Biýdjet qarajatyn igere almaǵan ministrlikter men ákimdikterge tiisti shara qabyldanady. Bul týraly búgin Úkimet otyrysynda Premer-Ministr Asqar Mamin aitty, dep habarlaidy QazAqparat.
«Byltyrǵy jylǵy, sondai-aq biylǵy jyldyń josparyna qaraǵanda asyra oryndaý oryn aldy. Alaida biýdjettik baǵdarlamalardyń birqatar ákimshisi biýdjet qarajatyn igermegen. Qarajattyń eń kóp somasyn igermegen vedomstvonyń biri - Ishki ister ministrligi. Onda – 9 mlrd teńge», - dedi Úkimet basshysy.
Osy oraida Asqar Mamin Ishki ister ministri Erlan Turǵymbaevtan munyń sebebin surady.
«Biýdjet qarajatyn igermeýdiń negizgi sebebi 3,5 mlrd teńgege QR Qarjy ministrligi Memlekettik satyp alýlar komitetinde arnaiy tehnikalardy jetkizýge konkýrs boldy. Olar - 39 avtosaty men 40 avtotsisterna. Olardyń barlyǵy Semei avtomobil qurastyrý zaýytynyn shyǵarylady. Búgingi kúni jetkizýge úlgermei jatyr. 1 qazanǵa deiin bitiredi. 2,6 mlrd teńge áskeri bólimshelerge qatty-suiyq otyn jetkizýge bólingen. Otyn jetkizý búkil Qazaqstan aýmaǵynda júrgizilip jatyr. Qyrkúiektiń sońyna deiin bul qarajat igeriledi», - degen ministr qalǵan qarajattardyń da jyl sońyna deiin tolyq jumsalatyndyǵyna sendirdi.
Premer-Ministr dereginshe, elimizdiń Qorǵanys ministrligi de 10,3 mlrd teńgeni igere almai otyr. Osy máselege qatysty sóz alǵan Qorǵanys ministriniń orynbasary Músilim Altynbaev 9 aidyń qorytyndysynda qarajat 99 paiyzǵa igeriletindigin aitty.
Sonymen qatar, Ekologiia, geologiia jáne tabiǵi resýrstar ministrligi de 10 mlrd teńge igere almai otyr. Bul máselege qatysty sóz alǵan ministr Maǵzum Myrzaǵaliev jyl sońyna deiin qarjyny 100 paiyz igermek. Al Mádeniet jáne sport ministrligi igere almaǵan qarajat somasy - 6,7 mlrd teńge.
«9 aidyń qorytyndysy boiynsha igerilmegen 7 mlrd 262 mln teńge qarajatty tolyq igeremiz», - dedi QR Mádeniet jáne sport vitse-ministri Nurqisa Dáýeshov.
Indýstriia jáne infraqurylymdyq damý ministrligi de 4,9 mlrd teńgeni igere almai otyr. Atalǵan vedomstvo basshysy Roman Skliardyń aitýynsha, bul soma Arystaǵy jarylys saldaryn joiý aktileriniń kesh tapsyrylýyna bailanysty qalyptasqan.
«Jyldyń sońyna deiin sanaýly ailar qaldy. Memlekettik organdar men óńirlerdiń basshylary biýdjet qarajatyn ýaqtyly igerýdi erekshe nazarǵa alýy kerek. Osy rette 9 aidyń qorytyndysy boiynsha biýdjet qarajatyn igermegen memlekettik organdar men ákimdikterge qatysty tiisti sheshimder qabyldanady», - dep eskertti Asqar Mamin.
