Úsh jyldyq biýdjette atom elektr stantsiiasyn salýǵa qarajat qarastyrylmaǵan. Bul týraly energetika vitse-ministri Jumabai Qaraǵaev aitty, dep habarlaidy Sputnik Qazaqstan.
"Atom elektr stantsiiasynyń qurylysyna qajetti qarajat engizildi me, joq pa degen suraqqa keletin bolsaq, respýblikalyq biýdjettiń jobasynda ol aqsha qarastyrylmaǵan", - dedi Qaraǵaev Májiliste úsh jyldyq biýdjetti tanystyrý kezinde.
Onyń aitýynsha, Úkimet qaýipsiz ekologiialyq atom energetikasyn damytýdy jan-jaqty zerdeleýge tapsyrma berdi. 2022 jyldyń qyrkúiek aiyna deiin tiisti usynys ázirlenýge tiis. Qazirgi kezde atom elektr stantsiiasyn salý máselesi zerdelenip jatyr.
Aita keteri, Qazaqstan Prezidenti Qasym-Jomart Toqaev bir jyldyń ishinde qaýipsiz atom energetikasyn damytý múmkindigin jan-jaqty zerdelep shyǵýdy tapsyrǵan bolatyn.
"2030 jylǵa qarai Qazaqstanda elektr energiiacy tapshylyǵy bolady. Al álemdik tájiribege sáikes, tiimdi sheshim bar. Ol – beibit atom. Iá, ońai sharýa emes. Sondyqtan osy máseleni utymdy sheshe bilýimiz kerek, san alýan boljam men emotsiiaǵa jol bermeiik. Bir jyl ishinde úkimet pen "Samuryq-Qazyna" elimizde qaýipsiz jáne ekologiialyq atom energetikasyn damytý múmkindigin zerdelep shyǵýǵa tiis", - dedi Toqaev jyl saiynǵy Joldaýda.
Osy oraida Memleket basshysy atom energetikasy salasynda jumys isteitin kásibi mamandardy daiarlaý máselesine de basa nazar aýdardy. Onsyz beibit atomdy damytý qiynǵa soǵady.
