Kóbinese memlekettik organdar ózderine ońai kórsetkishterdi belgileidi. Bul týraly Parlament palatalarynyń birlesken otyrysynda Májilis depýtaty Amanjan Jamalov aitty, dep habarlaidy "Ult aqparat".
«2020 jyly COVID-19-ǵa qarsy kúreske 6,9 trln teńge, onyń ishinde respýblikalyq biýdjetten 3,5 trln teńge bólindi. Bul somalar qalai igerildi? Esep komitetiniń derekteri boiynsha olardy igerý kezinde kóptegen talaptardy buzýshylyqtarǵa jol berilgen. Meniń áriptesterim daǵdarysqa qarsy sharalarǵa bólingen shyǵystar tiimdiliginiń tómen ekendigi týraly birneshe ret aitty. Bul – «Jumyspen qamtýdyń jol kartasyna», «Biznestiń jol kartasyna» jáne taǵy basqa jobalarǵa qatysty», - dedi Jamalov Úkimet pen Esep komitetiniń 2020 jylǵa arnalǵan respýblikalyq biýdjettiń atqarylýy týraly esepterin qaraý kezinde.
Sonymen qatar depýtat biýdjet qarajatyn tiimsiz paidalaný praktikasy jalǵasyp otyrǵanyn aitty.
«2020 jyly ol 569 mlrd teńgeni qurady, iaǵni 2019 jylǵa qaraǵanda 33%-ǵa artyq. Onyń 10 paiyzy, iaǵni 56 mlrd teńgesi kvazimemlekettik sektorǵa qatysty. Bir qaraǵanda, olai bolýy múmkin emes bolyp kórinedi, óitkeni olar biýdjettik uiymdar emes, kásipkerlik sýbektileri», - dedi ol.
A. Jamalovtyń paiymynsha, ótken jyldardaǵydai strategiialyq jáne biýdjettik josparlaý arasynda tiisti ózara bailanystyń bolmaý problemasy saqtalyp otyr.
«Kóbinese memlekettik organdar ózderine ońai kórsetkishterdi belgileidi. Mysaly, qanaǵattaný deńgeii, sapa deńgeii, qoldaý deńgeii. Olardyń negizi – áleýmettik zertteýler. Olardy memlekettik organdardyń taǵy da biýdjet qarajatyna júrgizedi. Ókinishke qarai, Úkimet áli kúnge deiin strategiialyq maqsattar men biýdjet shyǵystarynyń tiimdiligin baǵalaityn ádistemeni qabyldaǵan joq, ol biýdjettiń atqarylý sapasyna áser etedi», - dedi depýtat.
