Prezident Qasym-Jomart Toqaev aýyl sharýashylyǵy salasyndaǵy sýbsidiialardy tiimsiz paidalaný týraly pikir bildirdi, - dep habarlaidy Tengrinews.kz tilshisi.
"Keiingi 5 jylda bul maqsatqa 2 trillion teńgeden asa qarjy bólindi. Nátijesinde ne boldy? Biýdjet qarajaty jelge ushty, qarjynyń qaida jumsalǵanyn tekseretin biryńǵai baqylaý joq. Aitarlyqtai ekonomikalyq nátije joq", - dedi Toqaev.
Prezident sybailas jemqorlyqqa qarsy vedomstvoǵa prokýratýramen jáne basqa da organdarmen birge osy salaǵa keshendi taldaý júrgizýdi, halyq pen sharýalardyń ózderin de bul iske tartýdy tapsyrǵanyn eske saldy.
