Asa aýyr sozylmaly dertke shaldyqqandar da vaktsina ala alady. Aqtóbelik immýnolog qorǵanýdyń, asqynýdy boldyrmaýdyń tiimdi jolyn qoldaýǵa shaqyrdy, dep habarlaidy QazAqparat.
«Immýndaý jumysyna ár adam úlken jaýapkershilikpen qaraýy tiis. Vaktsina saldyrý arqyly biz ózimizdi, jaqynymyzdy qorǵaimyz. Adamdar arasynda pikir kóp. Bir anyǵy buǵan deiin adamzat juqpaly dertti ekpe qabyldaý arqyly toqtatyp, jeńe bildi. Demek koronavirýs infektsiiasymen kúreste bul da tiimdi jol bolmaq. Men sáýir aiynda birinshi, mamyr aiynda ekinshi dozasyn qabyldadym. Alǵashqyda dene qyzýym kóterilip, álsizdik boldy. Ekinshi dozany qabyldaǵanda keri áserin esh sezbedim», - dedi №3 qalalyq emhananyń immýnologi Raia Tólegenova.
Dáriger týǵan-týystary, jaqyndary arasynda da vaktsinanyń tiimdiligin, adam ómirindegi mán-mańyzyn túsindiredi. Túrli ujymǵa baryp ta kezdesý ótkizdi.
«Vaktsina alǵan adam koronavirýs infektsiiasyn juqtyrǵanda da ony jeńil ótkeredi. Túrli asqyný bolmaidy. Byltyr jaz ailarynda kúsheiip, qiyn jaǵdaiǵa tap boldyq. Sol kezde vaktsina bolsa dep ótinishin aitty. Kóbi ókindi. Al qazir dál sol sát týdy. Vaktsina bar, saldyryp, qorǵaný kerek. Iaǵni, byltyr vaktsinany kúttik, biyl qorǵanýdyń tiimdi joly usynyldy. Adamdar sanaly túrde qabyldap ta jatyr. Ekiudai oida júrgender mamandarmen kezdesip, keiin saldyrdy. Biraq keibiri qarsy ekenin aitady. Olarǵa áli de túsindirý jumysy júrgiziledi. Kúieýim qant diabetine shaldyqqan, júregi de aýyrady. Ol dárigerimen kezdesip, vaktsina saldyrdy. Esh asqyný bolmady. Mundai mysal óte kóp», - dedi Raia Tólegenova.
