Almatyda búiregin aýystyrǵan áiel ana atandy, dep habarlaidy "Ult aqparat" DSM baspasóz qyzmetine silteme jasap.
«29 qyrkúiekte Almaty qalasyndaǵy Perinatologiia jáne balalar hirýrgiiasy ortalyǵyna júkti patsient tústi. 2014 jyly onyń búiregine týystyq transplantatsiia jasaǵan edi. Transplantolog, nefrolog, ginekolog jáne basqa mamandardan quralǵan dárigerler tobynyń kómegimen bul patsienttiń júktiligi jáne kesar tiligi sátti ótti. Nátijesinde salmaǵy 2 keliden asatyn sábi dúniege keldi. Dárigerdiń tekserýinen keiin bala anasymen birge», - delingen habarlamada.
Statistika sáikes, ózge elderde mundai patsientterdiń 25-35% túsik tastaidy, merziminen buryn bosanady nemese bala ishte jatyp shetineidi. Sondyqtan transplantatsiia jasatqan naýqastar júktilikti josparlamas buryn muqiiat tekserýden ótedi, sondai-aq, aiaǵy aýyr bolǵan jaǵdaida olar immýnosýpressivti terapiia qabyldaýy tiis, óitkeni transplantat (búirek aýystyrý) fýnktsiiasyn joǵaltýy múmkin nemese patsienttiń ómirine qaýip tóndirýi ǵajap emes.
