Búgin Májilis depýtattary Merýert Qazbekova, Narine Mikaelian, Áliia Saparova jáne Irina Smirnova Parlament depýttaryna arnalǵan seminarǵa beine-konferentsiia arqyly qatysty.
«Ortalyq Aziia men Aýǵanstandaǵy beibitshilik pen turaqtylyq úshin áielder parlamentshileriniń seriktestigi» taqyrybynda ótken seminardy Ortalyq Aziia úshin preventivti diplomatiia boiynsha BUU Aimaqtyq Ortalyǵy uiymdastyrdy.
Jiyn barysynda depýtattar genderlik teńdikti ilgeriletýdiń negizgi qaǵidalarymen, Ortalyq Aziia men Aýǵanstan parlamentterindegi áielderdiń ókildikterimen, olardyń áielder, beibitshilik pen qaýipsizdik týraly 1325 rezoliýtsiiasyn júzege asyrýdaǵy rólimen tanysty. Bul 2000 jyly Birikken Ulttar Uiymynyń Qaýipsizdik keńesi shielenisterdi boldyrmaý, bitimgershilik jáne qaýipsizdik protsesterindegi áielderdiń belsendi rólin keńeitý maqsatynda №1325 – «Áielder, beibitshilik jáne qaýipsizdik» rezoliýtsiiasy qabyldanǵan.
Sonymen qatar, jiynda depýtat áielderdiń jumys barysy jáne olardyń memlekettik saiasatqa áseri tolyǵyraq talqylandy. Sondai-aq, seminarda memlekettik jáne úkimettik emes uiymdarmen, qoǵamdyq birlestiktermen seriktestik bailanys ornatý máseleleri qaraldy.
