BUU Qaýipsizdik Keńesi «Taliban» qozǵalysynan óz mindetterin oryndap, Aýǵanstannan ketýdi qalaityndarǵa múmkindik berýdi talap etetin qarardy maquldady, dep habarlaidy QazAqparat Euronews-ke silteme jasap.
Frantsiia, Ulybritaniia jáne AQSh jasaǵan qarardy qoldap Qaýipsizdik Keńesiniń 13 múshesi daýys berdi. Resei men Qytai qalys qaldy.
Qaýipsizdik Keńesi 2593 qararyn qabyldady, onda Aýǵanstannan ketkisi keletin barlyq aýǵandyqtar nemese sheteldik azamattardyń kez kelgen ýaqytta áýe nemese qurlyq shekaralary arqyly esh kedergisiz elden ketýine múmkindik beretini kórsetilgen.
Qabyldanǵan qararǵa sáikes, Aýǵanstan terroristerdiń platsdarmy retinde paidalanylmaýy kerek. Gýmanitarlyq kómek kórsetýge bar kúshti salýǵa basty nazar aýdarylyp otyr.
Frantsiia prezidenti Emmanýel Makronnyń pikirinshe, tálipter terrorizmge qarsy kúresip, gýmanitarlyq quqyqtar men adam quqyǵy, sonyń ishinde aýǵan áielderiniń quqyǵyn qorǵaityn bolsa, olardy moiyndaý máselesin qarastyrýǵa bolady.
