BUU Qaýipsizdik keńesi Soltústik Koreianyń ballistikalyq zymyran synaýyn 19 qazanda shuǵyl jinalysta talqylaidy. Kezdesý AQSh, Ulybritaniia jáne Frantsiia bastamasymen ótedi. Bul týraly NHK japon arnasy habarlady.
BUU Soltústik Koreiaǵa qarsy iadrolyq jáne zymyran áskeri baǵdarlamalaryn damytqany úshin sanktsiia salǵan. Soǵan qaramastan Phenian atom qarýynyń jańa túrlerin synaqtan ótkizýin doǵarar emes. Ortalyq telegraf agenttiginiń resmi málimdemesi boiynsha, 19 qazanda jańa ballistikalyq zymyran súńgýir qaiyqtan sátti ushyrylǵan.
Soltústik Koreianyń sý asty floty myqty, onda 70-90 dizel súńgýir qaiyǵy bar. Solardyń birine iadrolyq qarý ornatý aimaqtaǵy turaqtylyqty buzady. Onyń ústine, Soltústik Koreia biyl segiz iri synaq ótkizgen.
15 jáne 28 qyrkúiektegi synaqtardan soń Qaýipsizdik keńesi birlesken málimdeme qabyldaýǵa talpynǵan, alaida oǵan Resei men Qytai ókilderi kedergi jasady, dep habarlady NHK.
