Birikken Ulttar Uiymynyń qaýipsizdik keńesi qasietti Ramazan aiynda "tez arada atysty toqtatýdy" talap etetin qarar qabyldady, dep habarlaidy "Ult aqparat" BBC agenttigine silteme jasap.
25 naýryzda qabyldanǵan qujat kepilge alynǵandardy bosatýdy jáne Gazaǵa kómekti kóbeitýdi talap etedi. Qaýipsizdik keńesiniń 15 múshesiniń 14-i qarardy qoldady, AQSh daýys berýden qalys qaldy.
Palestinanyń baqylaýshy-memleketiniń turaqty ókili Riiad Mansýr 100 000-nan astam palestinalyq japa shegip, qaza bolǵanyn aitty.
Izrail premer-ministri Biniamin Netaniahý AQSh-tyń rezoliýtsiiaǵa veto qoiýdan bas tartýy burynǵy ustanymynan aýytqyǵany jáne Izraildiń soǵys áreketterine ziianyn tigizetinin aitty.
"Bizdiń daýysymyz ózgermedi, qaitalap aitamyn, bul bizdiń saiasattaǵy ózgeristi bildirmeidi. Bizdiń saiasatta eshteńe ózgergen joq. Eshteńe", – dedi Aq úidiń baspasóz hatshysy Djon Kirbi.
Birikken Ulttar Uiymynyń bas hatshysy Antoniý Gýterrish Izraildi gazalyqtarǵa kómek kórsetýdegi barlyq kedergilerdi joiýǵa ruqsat berýge shaqyrdy.
