BUU bas hatshysy Antoniý Gýterrish Talibandy shabýyldy tez arada toqtatyp, Aýǵanstan men onyń halqynyń múddesi úshin kelissózder bastaýǵa shaqyrdy, dep habarlaidy "Ult aqparat" BUU Jańalyqtar qyzmetine silteme jasap.
«Soǵysty tańdaǵan halyqaralyq qoǵamdastyqqa úndeýim mynadai: bilikti áskeri kúshpen jaýlap alý – jeńiletin tásil. Bul uzaqqa sozylatyn azamattyq soǵysqa nemese Aýǵanstandy tolyqtai jabyq memleketke ákelip soqtyrýy múmkin.
Óitkeni eldegi jaǵdai baqylaýdan shyǵyp barady», - dedi Gýterrish Niý-Iorkte BUU shtab-páterinde jýrnalsiterge bergen suhbatynda.
BUU basshysy shielenistiń barlyq tarapyna olardyń mindeti - beibit turǵyndardy qorǵaý ekendigin eske saldy.
«Soǵys áreketteri saldarynan jazyqsyz turǵyndar japa shegip jatyr», dep atap ótti Bas hatshy.
Osy jyldyń basynan beri 400 myń aýǵandyq úilerin tastap ketýge májbúr boldy. Olardyń 80 paiyzy – áielder men balalar.
