Birikken Ulttar Uiymynyń Bas hatshysy Antoniý Gýtterish «Iadrolyq qarýsyz álem jáne jahandyq qaýipsizdik úshin Nazarbaev syilyǵyn» tabystaý rásimine qatysýshylarǵa videoúndeý joldady, dep habarlaidy "Ult aqparat".
BUU Bas hatshysynyń videoúndeýin QR Tuńǵysh Prezidenti – Elbasy Nursultan Nazarbaevtyń baspasóz hatshysy Aidos Úkibai Twitter-degi paraqshasynda jariia etti.
«Men úshin Iadrolyq synaqtarǵa qarsy is-qimyldyń halyqaralyq kúninde ótkizilip otyrǵan osynaý saltanatty sharada sóz sóileý zor mártebe. Iadrolyq synaqtardy qosa alǵanda iadrolyq qarýdan azat álem BUU-nyń qarýsyzdaný salasyndaǵy joǵary basymdyǵy bolyp qalmaq. Qazaqstan osynaý umtylysta bizdiń senimdi áriptesimiz boldy jáne bolyp qala da beredi. Burynǵy Prezident Nursultan Nazarbaevty osy istegi tabandylyǵy jáne atalǵan syilyqty bekitkeni úshin alǵysymdy bildiremin», - dedi Antoniý Gýtterish beineúndeýde.
