BUU Bas hatshysy Antoniý Gýterresh G20 sammiti óziniń úmitin aqtamaǵanyn málimdedi, dep habarlaidy QazAqparat.
«Men «Úlken jiyrmalyqtyń» jahandyq sheshimderge degen adaldyǵyn rastaýdy quptasam da, men Rimnen oryndalmaǵan úmittermen ketip baramyn, biraq ol úmitterim áli de «sóngen joq», — dep jazdy ol Twitter-de.
«Úlken jiyrmalyq» elderi qorytyndy málimdemesinde jahandyq jylynýdyń 1,5 gradýs deńgeiinde kóterilýin shekteý úshin kúsh salýǵa niet bildirdi.
«Úlken jiyrmalyq» memleketteri 1,5 gradýs temperatýrada klimattyń ózgerýiniń saldary eki gradýsqa qaraǵanda áldeqaida tómen ekenin moiyndady. Kommiýnikege sáikes, jylymyqty 1,5 gradýsqa deiin ustap turý barlyq elderdiń tiimdi áreketteri men mindettemelerin talap etedi.
Ulybritaniia Italiiamen seriktestikte uiymdastyrǵan BUU-nyń klimattyń ózgerýi týraly negizdemelik konventsiiasy taraptarynyń jiyrma altynshy konferentsiiasy (COP 26) 31 qazan men 12 qarasha aralyǵynda Glazgoda ótedi. Oǵan 200-ge jýyq eldiń ókilderi qatysady dep kútilýde. Konferentsiiada parnikti shyǵaryndylardy azaitý jáne kómirtekti beitaraptyqqa qol jetkizý máseleleri boiynsha birqatar qujattardy qabyldaý josparlanýda. Álemdik kóshbasshylardyń qatysýymen ótetin sammittiń negizgi baǵdarlamasy 1-2 qarashaǵa josparlanǵan.
