Birikken Ulttar uiymynyń Bas hatshysy Antoniý Gýterrish «Taliban» qozǵalysy (Qazaqstanda tyiym salynǵan - avt.) men Aýǵanstandaǵy shielenistiń basqa da taraptaryn barynsha sabyrlyq tanytýǵa shaqyrdy.
Bul týraly Bas hatshy keńsesiniń jeksenbi kúni taratylǵan málimdemesinde aitylǵan, dep habarlaidy TASS aqparat agenttigi.
«BUU Bas hatshysyn Aýǵanstandaǵy jaǵdai alańdatyp otyr. Ol «Taliban» men basqa taraptardy adamdardyń ómirin saqtap qalyp, olardy gýmanitarlyq qajettiliktermen qamtamasyz etý úshin barynsha sabyrlylyq tanytýǵa úndedi», - delingen málimdemede.
BUU Bas hatshysy sondai-aq Aýǵanstanda adam quqyqtarynyń buzýylýyn toqtatýǵa shaqyrdy. BUU Aýǵanstan turǵyndaryna gýmanitarlyq kómek kórsetýge nietti.
«BUU beibit jolmen retteý, barlyq aýǵandyqtar, ásirese áielder men qyz balalardyń quqyqtaryn qorǵaý jáne muqtaj azamattardyń ómirin aman saqtap qalý úshin qajetti kómek kórsetý jumysyn kózdep otyr», - delingen málimdemede.
