Foto: un.org
Birikken Ulttar Uiymynyń (BUU) Bas assambleiasy Semei óńirin ońaltý týraly qarardy qabyldady, - dep habarlaidy Tengrinews.kz portaly BUU saityna silteme jasap.
BUU Bas assambleiasy otyrysynda "Qazaqstandaǵy Semei aimaǵynyń halqyn, ekologiiasyn jáne ekonomikalyq damýyn ońaltý maqsatyndaǵy halyqaralyq yntymaqtastyq pen qyzmetti úilestirý" atty qarar biraýyzdan qabyldandy.
Qujatta assambleia halyqaralyq qaýymdastyqty Qazaqstanǵa zardap shekken halyqty emdeý men kútý boiynsha arnaiy baǵdarlamalar men jobalardy ázirleýge jáne júzege asyrýǵa, sondai-aq Semei óńiriniń ekonomikalyq ósimi men turaqty damýyn qamtamasyz etýge kúsh salýǵa kómektesýge shaqyrdy.
Sondai-aq, BUU múshe memleketterdi, tiisti kópjaqty qarjy uiymdaryn jáne halyqaralyq qoǵamdastyqtyń basqa da qurylymdaryn "Semei óńiriniń halqyn, ekologiiasyn jáne ekonomikalyq damýyna" úles qosý úshin aqparat pen tájiribe almasýǵa, sondai-aq halyqaralyq qoǵamdastyqtyń problemalar týraly habardarlyǵyn arttyrýǵa shaqyrdy.
Aita ketý kerek, bul - BUU Bas assambleiasynyń Semei óńiri boiynsha on birinshi qarary, onyń birinshisi 1997 jyly qabyldanǵan. BUU-ǵa múshe 85 memleket qarardyń birlesken avtory boldy.
