Aýǵanstanda zańsyz apiyn óndirisi byltyrmen salystyrǵanda 8 paiyzǵa ulǵaidy. Álemdegi esirtki tutynýshylardyń 80 paiyzyn Aýǵanstan apiynmen qamtamasyz etedi. BUU-nyń Esirtki jáne qylmyspen kúres agenttiginiń (UNODC) Aýǵanstandaǵy esirtki óndirisi ahýalyna arnalǵan jańa esebinde osyndai málimet kórsetilgen.
Esepke qaraǵanda, biyl Aýǵanstanda 6,8 myń tonna apiyn ósirilgen. Aýǵan apiynshylary sonyń esebinen $1.8-$2.7 mlrd kóleminde paida kórgen.
Alaida "Aýǵanstannan tys aýmaqta zańsyz esirtki tasymal tizbeginen odan da kóp aqsha túsedi" deidi esep avtorlary.
Aýǵanstan ekonomikasynyń shamamen 10 paiyzy apiyn saýdasynan túsken kiristen quralǵan. Tamyz aiynda apiyn quny mamyrmen salystyrǵanda eki esege qymbattaǵan. Sarapshylar baǵanyń ósýin "Taliban" bilikti basyp alǵannan keiin týyndaǵan saiasi tyǵyryqpen bailanystyrady.
Aýǵan aqparat quraldary Kandagar provintsiiasynyń ońtústiginde apiyn ósirýge kóshken fermer jóninde jazdy. Fermer tilshilerge basqa daqyl egýge jaǵdai bolmaǵandyqtan, apiyn ósirýge amalsyz kóshkenin aitqan.
