Syrtqy ister ministrligi Qazaqstandy Táýelsizdik kúnimen quttyqtaý aktsiiasy aqyly bolǵany týraly aqparattyń jalǵan ekenin aitty. SIM resmi ókiliniń aitýynsha, mundai tájiribe birinshi ret bolyp turǵan joq, dep habarlaidy "Ult aqparat".
«Keshe Dýbaidaǵy Býrj Halifanyń qasbetin Qazaqstan týynyń túsine boiaý úshin aqy tólendi degen aqparat boldy. Shyn máninde, bastama Dýbai ámirligine tiesili. Bul - tegin aktsiia. Bul tájiribe burynnan bar. Qazaqstanǵa deiin Ózbekstan, Túrikmenstan, Resei, Belarýs jáne basqa elderdiń jalaýy beinelengen. Sol kúni qabyrǵa Bahrein týy túsimen boialdy», - dedi QR SIM resmi ókili Aibek Smadiiarov.
Onyń aitýynsha, QR Syrtqy ister ministrligi 16 jeltoqsan kúni meirammen osylai quttyqtaý úshin aqy tóledi degen – jalǵan aqparat.
«Men mundai aqparat taratatyn blogerler men jýrnalisterdi ar-uiatty saqtaýǵa shaqyramyn. Aqparattyń ras-ótirigine kóz jetkizbei turyp taratý – olardyń aqyl-oiynyń tarlyǵyn jáne aqparattyq saiasatqa qalai qaraitynyn bildiredi», - deidi SIM ókili.
Eske sala ketsek, Dýbai emiraty qazaqstandyqtardy Táýelsizdiktiń 28 jyldyǵymen erekshe quttyqtaǵan bolatyn. 16 jeltoqsan kúni álemdegi eń biik ǵimarat – Dýbai qalasyndaǵy Býrj Halifa Qazaqstan týynyń túsine boialdy.
