سىرتقى ٸستەر مينيسترلٸگٸ قازاقستاندى تەۋەلسٸزدٸك كٷنٸمەن قۇتتىقتاۋ اكتسيياسى اقىلى بولعانى تۋرالى اقپاراتتىڭ جالعان ەكەنٸن ايتتى. سٸم رەسمي ٶكٸلٸنٸڭ ايتۋىنشا, مۇنداي تەجٸريبە بٸرٸنشٸ رەت بولىپ تۇرعان جوق, دەپ حابارلايدى "ۇلت اقپارات".
«كەشە دۋبايداعى بۋرج حاليفانىڭ قاسبەتٸن قازاقستان تۋىنىڭ تٷسٸنە بوياۋ ٷشٸن اقى تٶلەندٸ دەگەن اقپارات بولدى. شىن مەنٸندە, باستاما دۋباي ەمٸرلٸگٸنە تيەسٸلٸ. بۇل - تەگٸن اكتسييا. بۇل تەجٸريبە بۇرىننان بار. قازاقستانعا دەيٸن ٶزبەكستان, تٷرٸكمەنستان, رەسەي, بەلارۋس جەنە باسقا ەلدەردٸڭ جالاۋى بەينەلەنگەن. سول كٷنٸ قابىرعا باحرەين تۋى تٷسٸمەن بويالدى», - دەدٸ قر سٸم رەسمي ٶكٸلٸ ايبەك سماديياروۆ.
ونىڭ ايتۋىنشا, قر سىرتقى ٸستەر مينيسترلٸگٸ 16 جەلتوقسان كٷنٸ مەيراممەن وسىلاي قۇتتىقتاۋ ٷشٸن اقى تٶلەدٸ دەگەن – جالعان اقپارات.
«مەن مۇنداي اقپارات تاراتاتىن بلوگەرلەر مەن جۋرناليستەردٸ ار-ۇياتتى ساقتاۋعا شاقىرامىن. اقپاراتتىڭ راس-ٶتٸرٸگٸنە كٶز جەتكٸزبەي تۇرىپ تاراتۋ – ولاردىڭ اقىل-ويىنىڭ تارلىعىن جەنە اقپاراتتىق ساياساتقا قالاي قارايتىنىن بٸلدٸرەدٸ», - دەيدٸ سٸم ٶكٸلٸ.
ەسكە سالا كەتسەك, دۋباي ەميراتى قازاقستاندىقتاردى تەۋەلسٸزدٸكتٸڭ 28 جىلدىعىمەن ەرەكشە قۇتتىقتاعان بولاتىن. 16 جەلتوقسان كٷنٸ ەلەمدەگٸ ەڭ بيٸك عيمارات – دۋباي قالاسىنداعى بۋرج حاليفا قازاقستان تۋىنىڭ تٷسٸنە بويالدى.
