Qazaqstannyń burynǵy premer-ministri Serik Ahmetov jazasyn óteýge bailanysty probatsiialyq esepten shyǵaryldy. Bul týraly IIM Qylmystyq atqarý júiesi komitetiniń baspasóz qyzmeti málim etti, - dep habarlaidy Tengrinews.kz.
"1 qyrkúiekte sottalǵan Serik Ahmetov jazasyn óteýge bailanysty jazanyń negizgi túri boiynsha probatsiialyq esepten shyǵaryldy. Ol qazir Qazybek bi aýdandyq probatsiia qyzmetinde laýazymǵa ie bolýǵa tyiym salý boiynsha qosymsha jaza alý úshin esepte tur", - dedi QAJK ókili.
2015 jyldyń jeltoqsanynda Serik Ahmetovtiń múlki tárkilenip, on jylǵa bas bostandyǵynan aiyrý jazasyna kesilgen. Sot ony sybailas jemqorlyq boiynsha qylmys jasap, asa iri kólemde biýdjet qarajatyn jymqyrdy, qyzmet babyn asyra paidalandy jáne kásipkerlik qyzmetke zańsyz qatysqany úshin kináli dep tapty.
