Foto: Ortalyq kommýnikatsiialar qyzmeti
QR burynǵy Ádilet ministri Marat Beketaevty qamaýda ustaýdy uzartý týraly sot sanktsiiasy qabyldandy. Bul týraly Astana qalalyq sotynyń Kazinform aqparat agenttigi joldaǵan resmi saýalǵa bergen jaýabynda aitylǵan.
«2024 jylǵy 12 qańtarda Astana qalasynyń mamandandyrylǵan aýdanaralyq tergeý soty kúdikti M.Beketaevqa qatysty qamaýda ustaý túrindegi bultartpaý sharasyn 2024 jylǵy 21 aqpanǵa deiin uzartýǵa sanktsiia berdi», - delingen elorda sotynyń jaýabynda.
Sondai-aq, qalalyq sottan QR Qylmystyq is júrgizý kodeksiniń 201-babyna sáikes ózge de derekter jariia etilmeitini aityldy.
Ótken jyly 29 jeltoqsanda M. Beketaevty qamaýda ustaý merzimi 2024 jylǵy 21 qańtarǵa deiin uzartylǵan edi.
Eske sala keteiik, burynǵy Ádilet ministri laýazymdyq ókilettigin asyra paidalandy degen kúdikpen ustaldy.
