Aýa raiynyń buzylýyna bailanysty sinoptikter Qazaqstannyń birqatar óńirinde eskertý jariialady, dep habarlaidy "Ult aqparat" Qazgidrometke silteme jasap.
1 tamyz kúndiz Shyǵys Qazaqstan oblysynyń kei jerlerinde 36°S aptap ystyq kútiledi.
1 tamyzda Qyzylorda oblysynda ońtústik-batystan jáne batystan soqqan jeldiń ekpini túnde kei jerlerde - 15-20 m/s, kúndiz oblystyń basym bóliginde - 15-20m/s, kei jerlerde 25 m/s jetedi. Tańerteń jáne kúndiz kei jerlerde naizaǵai oinap, daýyl turady. Kúndiz 42 gradýs aptap ystyq bolady.
1 tamyzda Qostanai oblysynyń kei jerlerinde naizaǵai jarqyldap, burshaq jaýady. Ońtústik-shyǵystan soqqan jel batysqa aýysady. Jel qarqyny túnde kei jerlerde - 15-20 m/s, kúndiz - 15-20 m/s, ekpini - 23 m/s deiin kúsheiedi.
Qostanai qalasynda tańerteń jáne kúndiz kún kúrkireidi. Ońtústik-shyǵystan soqqan jel batysqa aýysady. Jel ekpini - 15-20 m/s.
1 tamyzda Batys Qazaqstan oblysynyń kei jerlerinde qatty jańbyr kútiledi. Kei jerlerinde naizaǵai oinap, burshaq jaýyp, daýyl turmaq. Soltústik-batystan jel soǵady, kúshi - 15-20, kei jerlerde 23-28 m/s kútiledi.
Oral qalasynda 1 tamyzda naizaǵai oinap, soltústik-batystan ekpini 18 m/s jel soǵady.
Sonymen qatar, 1 tamyzda Soltústik Qazaqstan oblysynyń kei jerlerinde naizaǵai oinap, daýyl turyp, burshaq jaýady. Túnde jáne tańerteń kei jerlerde tuman túspek. Ońtústik-batystan jel soǵady, kúshi kúndiz - 15-20, kei jerlerdegi ekpini - 23-28 m/s.
Petropavl qalasynda 1 tamyzda túnde jáne tańerteń tuman kútiledi. Kúndiz ońtústik-batystan jel soǵady, ekpini - 15-20 m/s.
