«Qazgidromet» RMK aldaǵy úsh kúngi aýa raiy boljamyn usyndy, dep habarlaidy "Ult aqparat".
«Qańtar aiynyń aiaqtalýyna nebári úsh kún qaldy. Bul kúnderi aýa raiynda eleýli ózgerister bolmaidy. Ádettegidei, qatty aiazdan keiin kún jyldam jylynyp, keiin qaita sýytady. Aldaǵy táýlikte 35 gradýstyq aiazdar sýyq antitsiklonmen birge shyǵysqa qarai yǵysady. Al Qazaqstanǵa Kaspii teńiziniń ońtústiginde qalyptasatyn tsiklon keledi. Soltústik-shyǵysqa qarai yǵysý barysynda tsiklon ózimen birge respýblikanyń ońtústik jáne ońtústik-shyǵysyna jylbysqy qar, kóktaiǵaq jáne tuman, soltústik, shyǵys jáne ortalyqqa qar, burqasyn, ekpindi jel jáne aýa temperatýrasynyń joǵarylaýyn alyp keledi», - delingen sinoptikterdiń habarlamasynda.
