Foto: doctor24.ru
Býrabai kýrorttyq aimaǵyndaǵy qonaq úide jumys isteitin 17 adam tamaqtan ýlanyp qaldy, dep habarlaidy Sputnik Qazaqstan saity.
Aqmola oblysy sanitariialyq-epidemiologiialyq baqylaý departamenti usynǵan aqparatqa sáikes, barlyq qyzmetker ashanada jumys isteidi. Olardan bakteriialyq ishek infektsiiasy anyqtaldy.
"Infektsiiany juqtyrǵan 17 naýqastyń 7-ýi Kókshetaý qalasynyń infektsiialyq aýrýhanasyna jatqyzyldy. Qalǵan naýqastar ambýlatorlyq em-dom alyp júr, jaǵdaiy qanaǵattanarlyq", - deidi sanitar mamandar.
Qazirgi tańda Býrabai sanitariialyq-epidemiologiialyq baqylaý basqarmasy qonaq úidiń meiramhanasyna jospardan tys tekseris júrgizip jatyr. Sýdyń, tamaq ónimderiniń jáne shaiyndylardyń synamalary alyndy. Barlyq qyzmetker tekserildi. Zerthanada ishek infektsiiasynyń qaidan shyqqany anyqtalady.
