Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev internet sapasyn jaqsartý sharalary qalai júrgiziletinin aitty, dep habarlaidy QazAqparat.
«Internet jelisiniń jumys isteý sapasyn jaqsartý maqsatynda, ministrlikpen bailanys jelisiniń sapasy tómen jerlerdi anyqtaý barysynda ólshem jumystary júrgiziledi. Bailanys sapasy nashar qamtylǵan aimaqtarda qosymsha bazalyq stansalardy ornatý boiynsha máseleler ákimdikter jáne bailanys operatorlarymen pysyqtaldy. Mysaly, Býrabai kýrorttyq aimaǵy jáne Nur-Sultan qalasy aýmaǵynda ákimdiktermen birge machtalar salý máselesi oń sheshimin tapty», - dedi ministr Parlament Májilisindegi Úkimet saǵatynda.
A. Jumaǵalievtiń atap ótýinshe, bul machtalardy jeke kásipkerler salady, al bailanys operatorlary uialy bailanys bazalyq stansalaryn ornatady.
«Osyndai jumystar Almaty jáne Pavlodar ákimdikterimen de júrgizile bastady. Osy bastamaǵa basqa da oblys ákimdikteriniń de atsalysýy usynyldy», - dedi vedomstvo basshysy.
Budan buryn habarlanǵandai, A. Jumaǵaliev 2021 jyldyń aiaǵyna deiin Nur-Sultan qalasynda Nazarbaev ýniversiteti men EKSPO-da, al 2022 jyly áýejai pen vokzalda, saýda oryndary men alańdarda 5G tehnologiiasyn engizý josparlanyp otyrǵandyǵyn atap ótti.
