Býrabaidaǵy Abylai han alańynda jańa kompozitsiia paida boldy. «Batyrlar» atalatyn sýret-músin kompozitsiia kýrortty óńirge kórik berip tur, dep habarlaidy "Ult aqparat" oblystyq ishki saiasat basqarmasyna silteme jasap.
Ponaramdy sýret-músin kompozitsiiasynyń biiktigi 7,3 metr , eni 16,8 metr , teńdesiz óner týyndysy bolyp tabylady.
Kópbeiindi týristik keshen úshin ázirlengen taqyryptyń basty mindeti tabiǵat pen qazaq halqynyń mádenietin bailanystyrý.
«Abylai hana alańyna kelýshiler bul kompozitsiiadan qazaq halqynyń tarihi-mádeni murasy, birkitpen ań aýlaý, «Kókpar», «Qyz qýý» jáne «Mergen» ulttyq oiyndaryn baiqasa, endi birjaǵynan jeti batyrdyń beinesin kóredi. Iaǵni, er adamnyń boiyndaǵy erjetý, eresek, erlik, erjúrektik, erlik, kúsh, ádildik, batyrlyq jáne rýhani sheshimdi bilderedi», - deidi «Býrabai Damý» JShS mamandary.
Mekemeniń málimetinshe, batyrlardyń beinesin 35 metr qashyqtan kórýge bolady. Ondan asqan kezde beine birneshe bólikke bólinip ketedi. Bul halyqtyń jumylǵandyǵyn bildiredi. Kompozitsiiadan jeti batyrdyń beinesimen birge, memlekettik simvoldar – kún men búrkitti de kórýge bolady. Bul óner týyndysy Býrabai kýrortty aimaǵynyń tabiǵatymen úilesim taýyp otyr.
Aldaǵy ýaqytta, taǵy birqatar nysandardy abatttandyrý, onyń ishinde Kenesary úńgirne jaqyn ornalasqan aýmaqta shaǵyn sáýlet eskertkishter, oryndyqtar qoiý josparlanǵan. Imanov bulaǵynda aqparat taqtaishasy, aspaly kópir ornatylatyn bolady.
