Aqmola oblysynyń Býrabai aýdanynda joǵalǵan 29 jastaǵy er adam óli kúiinde tabyldy, dep habarlaidy "Ult aqparat" aýmaqtyq Tótenshe jaǵdailar departamentiniń baspasóz qyzmetine silteme jasap.
Vedomstvonyń deregi boiynsha, 12 qańtar kúni saǵat 11:25 shamasynda Aqmola oblysynyń TJD 112 telefon nómirine Shýche kólindegi iaht-klýbtyń balyqshylar turaǵynda adamnyń denesi tabylǵany týraly habar túsken. Oqiǵa ornyna Býrabai aýdandyq Tótenshe jaǵdailar basqarmasy bastyǵynyń mindetin atqarýshy, azamattyq qorǵanys podpolkovnigi K.Babaev bastaǵan jedel top bardy.
«Sol kúni saǵat 11:40 shamasynda balyqshylar turaǵynda 1991 jylǵy er adamnyń denesi tabyldy. Ony marqumnyń ákesi anyqtap, Býrabai aýdandyq aýrýhanasyna jetkizgen. Alaida, dárigerler onyń sol kúni tańǵy saǵat 09:00 shamasynda qaitys bolǵanyn tirkedi. Ákesiniń aitýynsha, balasy tanystarymen birge Shýche kóline barǵan. Keiin uzaq ýaqyt bailanysqa shyqpaǵan soń dostaryna habarlasqan. Dostary baryp, onyń óli kúiinde taýyp, ákesine habarlasqan», - deidi vedomstvodan.
Oqiǵa ornyna sondai-aq Býrabai aýdandyq politsiia bóliminiń shuǵyl-tergeý toby barǵan.
Aldyn ala málimet boiynsha, er adamǵa iis tigen. Onyń denesi máiithanaǵa jiberilip, sot-meditsinalyq saraptama taǵaiyndaldy.
