Býrabai aýdanynyń Shýche qalasynda taýdyń ústine «BURABAY» jazýy ornatyldy, dep habarlaidy QazAqparat tilshisi.
Kaliforniiadaǵy belgili HOLLYWOOD jazýy ispettes alyp áripter Shýchinsk qalasyndaǵy telemunaranyń janyndaǵy taýǵa ornatyldy.
Jalpy uzyndyǵy 60 mert, biiktigi 14 metrdi quraityn áripter túnde túrli-tústi bolyp janady.
«Bul jazý Býrabaidyń adamdar sýretke túsetin súiikti jerleriniń biri bolatyny sózsiz. Sonymen qatar, kýrorttyń simvoly retinde óńirge týristerdi tartýǵa da septigin tigizbek», - deidi Aqmola oblysy ákiminiń týrizm jónindegi keńesshisi Marat Iǵali.
Sonymen qatar, Býrabaida biylǵy týristik maýsym ashylǵan kezde «Vizit ortalyq» aýmaǵynda akvapark ashyldy.
Ainalma jol aiyryǵynda «I Love Burabay» ádemi sáýletti kompozitsiia ornatylǵanyn da atap ótken jón.
