13-17 maýsym aralyǵynda gibridtik formatta ótip jatqan «Adam jáne biosfera» IýNESKO baǵdarlamasynyń Halyqaralyq úilestirý keńesiniń (MAB-HÚK) 34-shi sessiiasy sheńberinde «Býrabai» memlekettik ulttyq tabiǵi parki (Aqmola oblysy) jáne Marqakól memlekettik tabiǵi qoryǵy (Shyǵys Qazaqstan oblysy) IýNESKO-nyń biosferalyq rezervattarynyń jahandyq jelisine qosý týraly sheshim qabyldandy, dep habarlaidy SIM baspasóz qyzmeti.
Sessiia jumysyna Qazaqstan Respýblikasynyń IýNESKO jáne ISESKO isteri jónindegi Ulttyq komissiiasy, Qazaqstan Respýblikasynyń IýNESKO janyndaǵy Turaqty ókildiginiń diplomattary, «Adam jáne biosfera» jónindegi ulttyq komitettiń tóraǵasy Roman Iashenko jáne onyń orynbasary Viktoriia Ilina qatysty.
MAB Halyqaralyq saraptamalyq keńesi Qazaqstandyq ulttyq komiteti usynǵan qujattaryn zerdelep, usynylǵan obektilerdiń «Adam jáne biosfera» IýNESKO baǵdarlamasynyń ólshemderine sáikestigin baǵalai otyryp, atalmysh sheshimdi qabyldady.
Búgingi tańda Qazaqstandaǵy IýNESKO biosferalyq rezervattarynyń ulttyq jelisinde 15 obektisi engizilgen. Ortalyq Aziia elderinde biosferalyq qoryqtarynyń bul sany eń kóp bolyp tabylady. Árine, bul álemdik qoǵamdastyqtyń Qazaqstannyń biologiialyq ártúrliligin saqtaý máselelerine jáne ony bolashaq urpaq úshin saqtaýǵa degen umtylysyna erekshe nazar aýdaratyndyǵyn kórsetedi.
Aita keteiik, IýNESKO-nyń biosferalyq rezervattary - bul jerústi jáne jaǵalaýdaǵy teńiz ekojúieleriniń erekshe qorǵalatyn tabiǵi aýmaqtary nemese IýNESKO-nyń «Adam jáne biosfera» baǵdarlamasy sheńberinde halyqaralyq deńgeide tanylǵan osyndai ekojúielerdiń úilesimderi bolyp tabylady. Olardyń negizgi maqsaty - qorshaǵan ortaǵa ziian keltirmesten adam men tabiǵattyń turaqty bailanysyn qurý jáne bolashaq urpaq úshin tabiǵi bailyqty saqtap qalý. Búgingi tańda dúniejúzilik biosferalyq rezervattar jelisine álemniń 131 eliniń aýmaǵynda ornalasqan 738 biosferalyq rezervattary kiredi.
