«Bolashaqqa baǵdar: rýhani jańǵyrý» baǵdarlamasy aiasynda 2019 jyldyń 13-aýysymy «Atanyń sózi-aqyldyń kózi» atty jas tarihshylar men geograftardyń Respýblikalyq kezdesýine jinalǵan 8 «A» synyp oqýshylarymen qazannyń 10-y kúni Býrabai aýlynyń tarihi murajaiynda «Abylai hannyń ishki jáne syrtqy saiasaty» taqyrybynda Qazaqstan tarihy páninen ashyq sabaq ótkizildi.
Murajaida ótilgen sabaqtyń negizgi maqsaty – rýhani jańǵyrýdy sipattaý jáne patriottyq sanany yntalandyratyn ulttyq qundylyqtardy jańǵyrtý, Otanyna degen súiispenshilik, maqtanysh sezimin uialatý, ulttyq rýhty sińirý.
Oqýshylardyń dúniege kózqarasyn qalyptastyrýda tarih sabaǵynyń mańyzy zor ekeni belgili. Óitkeni, tarih adamzattyń basynan ótkizgen tarihi – mádeni tájiribesin, aldymen qundylyqtaryn oqytyp úiretýdi maqsat etedi. Soǵan bailanysty, murajaida ótilgen ashyq sabaqta oqýshylar Ábilmansurdyń jastyq shaǵy, handyq qalyptasýy men batyrlyǵy boiynsha qosymsha aqparattarmen tanysyp qana qoimai, Abylai hannyń urpaqtary, sonyń ishinde Kenesary Qasymuly saýytynyń rekonstrýktsiiasyn tamashalaýǵa da múmkindik aldy. Dáris nátijesinde bilim alýshylar Býrabai murajaiyndaǵy saqtalǵan qujattar, túrli jádigerler, fotosýretter, qundy derekterdi sóiletý arqyly ataqty qoǵam qairatkeriniń qazaq handyǵynyń túrli salalaryndaǵy eren eńbekterimen tanysyp, rýhani azyq alyp qaitty.
Murajai qyzmetkerleri elimizdiń 17 oblysynan kelgen balalarǵa Býrabai ólkesiniń ataqty adamdarynyń ómirleri týraly baiandap, ekskýrsiia sońynda «Baldáýrenge estelik» retinde Abylai hannyń shejiresin syiǵa tartty. Baldáýrendikter Abylai hannyń Resei imperiiasynyń ákimshiligimen hat alysýy men túrli tarihi qujattardy, Fon Fraýendorf, Levshin, Nepliýev syndy ataqty orys ziialylarynyń Abylai han týraly jazǵan estelikterin oqyp, tań-tamasha boldy.
Jol boiy oqýshylar «HÚIII ǵ Qazaq handyǵy» bólmesinen kórgen-túigenderin, alǵan áserlerin talqyǵa salyp, «Abylai han» taqyryby boiynsha óz bilimderimen bólisti.
Bilim berý salasynda murajai sabaqtary úlken oryn alatyny daýsyz. Oqýshylar murajailyq jumys ádisterimen tanysyp, ózderi úshin kóptegen jańalyqtar ashty. «Júz ret estigennen góri bir ret kórgen jaqsy» demekshi, oqýshylar tarih qoinaýyna úńilip, ózderi úshin keremet áser aldy.
Ismagambetov Madi Kairtasovich,
«Baldáýren» ROSO tarih pániniń muǵalimi
