«Býrabai» memlekettik ulttyq tabiǵi parki 2026 jylǵy 20 maýsym kúni saǵat 07:00-den bastap Kókshetaý taýyna barý ýaqytsha shekteletinin habarlady, dep habarlaidy ult.kz.
Atalǵan shara ulttyq park aýmaǵyndaǵy órt qaýpiniń joǵary deńgeiine bailanysty engizilip otyr. Ýaqytsha shekteý yqtimal órt oshaqtarynyń aldyn alýǵa jáne Býrabaidyń biregei ekojúiesin saqtaýǵa baǵyttalǵan.
- «Býrabai» MUTP kýrort qonaqtary men turǵyndarynan qabyldanyp jatqan sharalarǵa túsinistikpen qarap, demalys baǵyttaryn aldyn ala josparlaýdy jáne ulttyq parktiń balamaly týristik oryndaryna basymdyq berýdi suraidy. Býrabai tabiǵatyn saqtaý – árbir kelýshiniń jaýapkershiligin talap etetin ortaq mindet, - delingen habarlamada.
Aita keteiik, Býrabai ulttyq parkinde naizaǵai túsýinen bolǵan orman órti «Smart» erte anyqtaý júiesiniń kómegimen der kezinde anyqtalyp, jedel túrde sóndirildi.
Qazaqstan 2026 jylǵy jazǵy týristik maýsymǵa daiyndalyp jatyr. Biyl osy jumystar aiasynda eldegi segiz negizgi týristik aimaqta tekserý jumystary júrgizildi. Olardyń qatarynda Alakól, Balqash, Býrabai, Kaspii teńiziniń jaǵalaýy jáne Shyǵys Qazaqstandaǵy týristik baǵyttar bar.
