Quqyq qorǵaýshy Dina Smailova Facebook jelisindegi paraqshasynda Almatydaǵy jekemenshik mektepterdiń birindegi býlling týraly aitty, - dep habarlaidy Tengrinews.kz.
"Bul sumdyq jaǵdai, bul mektepte tártip, oqýshylardyń jáne muǵalimderdiń jeke quqyǵy men shekarasyn syilamaityndary kórinip tur", - dep jazdy "Nemolchikz" qorynyń basshysy.
Odan bólek, balalar sabaq kezinde porno kórip otyrǵan, al muǵalim olardy baiqamaǵan syńai tanytýyna týra kelgen.
Videony jibergen áieldiń sózinshe, birneshe oqýshy, onyń ishinde óziniń uly da synyptastary tarapynan býllingke ushyraǵan.
Smailova jábirlenýshi oqýshy basqa mektepke aýysyp ketken, biraq áli kúnge deiin psihologpen jumys istep jatqanyn aitty.
Video 2022 jyldyń qańtarynda 10-synyp oqýshylarynyń kabinetinde túsirilgeni anyqtaldy. Biraq video endi taraǵandyqtan el nazaryna ilikken.
Bul derek boiynsha Almaly aýdanynyń prokýratýrasy Almaty qalasynyń Bilim salasyndaǵy sapany qamtamasyz etý departamentine usynys engizdi. Qadaǵalaý aktisin qaraý nátijeleri boiynsha departament ákimshilik is júrgizýdi qozǵady.
26 qańtarda litsei basshysy ákimshilik jaýapkershilikke tartyldy.
