Ulttyq bankiniń banknottar men monetalardy saraptamadan ótkizý basqarmasynyń bastyǵy Asqat Muqamadiev ulttyq valiýtadaǵy búlingen banknottardy aiyrbastaýdy túsindirdi, dep habarlaidy QazAqparat.
Asqat Muqamadiev aitýynsha, Ulttyq bankiniń filialdaryna saraptamadan ótkizý úshin ártúrli banknottar túsip jatady, olar: tozǵan, kúigen, jyrtylǵan aqshalar. «Bul banknottardyń barlyǵy fragmentteri boiynsha qaita qurastyrylyp, qalpyna keltiriledi. Jyl basynan beri QUB jaramdylyǵy kúmán týdyratyn banknottar men monetalardyń 3 079-yn qabyldap, solardyń arasynan 2 542 banknotty aiyrbastap berdi. Olardyń kóbi jyrtylǵan, kúigen, eskirip, jýylyp ketken», - deidi basqarmasy bastyǵy.
Onyń aitýynsha, eger banknottyń 50%-dan kóp bóligi jaqsy saqtalǵan bolsa, ony Ulttyq bank filialdaryna jaramdylyǵy jaǵynan kúmándi banknot retinde saraptamaǵa tapsyryp, shyn aqsha ekenin teksertýge bolady.
«Ol úshin banknottyń qalǵan bóligin uqyptap jinap alý kerek. Qandai jaǵdaiǵa qaramastan, banknotty búlingen dúnieniń ishinen, ámiiannan, basqa da ydystan almaǵan durys. Áitpese banknottar odan beter jyrtylyp, onyń shyn aqsha ekenin anyqtaý qiynǵa túsedi. Búlingen aqshany jumsaq zatqa orap, úlkendeý qorapqa salyp alý kerek. Osydan keiin ony saraptamadan ótkizý úshin Ulttyq banktiń aýmaqtyq filialyna ótkizesiz. Tekserýge bolatyn, aýmaǵy saqtalǵan búlingen banknottar jańa aqshaǵa aiyrbastalady. Alaida, ony tekserý biraz ýaqyt alýy múmkin. Eń bastysy, saraptama tegin jasalady», - dedi ol.
Eger banknot óz kóleminiń keminde 70% saqtaǵan bolsa jáne onyń nominalyn kórsetetin (jazbasha jáne san túrindegi) sandar qatty búlinbegen bolsa (eger banknottyń shyn aqsha ekenin rastaýǵa kedergi bolmasa), eskirgenine qaramastan, ol tólemge jaramdy aqshaǵa aiyrbastalady.
Ondai banknottardy ekinshi deńgeili bankterge, QUB filialdaryna nemese «Qazposhta» AQ-na baryp, aiyrbastap alýǵa bolady.
Aita keteiik, EDB ózderiniń ishki normativtik qujattaryna sai, qyzmet kórsetkeni úshin komissiialyq tólem alýǵa quqyly.
Aýmaqtyq filialdardyń meken-jaiy men bailanys nómirleri Ulttyq banksaitynda jazylǵan», - dedi Asqat Muqamadiev.
