QR Premer-Ministri Asqar Mamin Úkimet otyrysynda kúzde ótetin Ulttyq sanaqtyń mán-mańyzyna toqtaldy, dep habarlaidy QazAqparat.
«Memleket basshysy Qasym-Jomart Toqaevtyń tapsyrmasy boiynsha biylǵy 1 qyrkúiek – 30 qazan aralyǵynda halyq sanaǵyn ótkizý josparlanyp otyr. Ózderińiz bilesizder, munyń aldyndaǵy sanaq 2009 jyly ótken. Bul is-sharanyń áleýmettik-ekonomikalyq mańyzy zor. Sanaq nátijesi boiynsha meilinshe dál derekter bolyp tabylatyn ári eldegi ahýaldy taldaýǵa, boljam jasaýǵa jáne tiisti sheshimder qabyldaýǵa negiz bolatyn kóptegen kórsetkishter alynady», - degen Úkimet basshysy ár qazaqstandyqtyń sanaqqa qatysýy mańyzdy ekenin atap ótti.
«Elimizdiń ár azamatynyń sanaqqa qatysýynyń mańyzy óte zor. Sanaq protsesin avtomattandyrý úshin qaǵazdan múldem bas tartyp, tsifrlyq tehnologiialardy qoldaný josparlanyp otyr. Bul málemetterdi jedel jinaýǵa jáne shyǵyndardy azaitýǵa múmkindik beredi», - dedi Asar Mamin.
Úkimettiń búgingi otyrysynda Úkmiet basshysy Koronavirýs infektsiiasynyń taralýyn boldyrmaý jónindegi vedomstvoaralyq komissiiaǵa óńirlerde Ashyq júiesine qatysatyn biznes sýbektileri úshin demalys kúngi shekteý sharalaryn jeńildetý máselesin qarastyrýdy tapsyrdy.
«Vaktsinanyń birinshi komponentin alǵandardyń sany 6,5 mln adamǵa jýyq, al ekinshi komponentin 5 mln-nan astam adam saldyrdy. Vaktsina saldyrý naýqanyn odan ári kúsheitý qajet. Vedomstvoaralyq komissiiaǵa epidemiologiialyq jaǵdai turaqtalyp jatqan óńirlerdegi Ashyq júiesine qatysatyn biznes sýbektileri úshin demalys kúngi shekteý sharalaryn jeńildetý máselesin qarastyrýdy tapsyramyn», - degen Premer-ministr bul jumystaǵy jalpy baqylaýdy orynbasary Eraly Toǵjanovqa tapsyrdy.
