Sherhan Aimahan, 21 jastaǵy Nurai Serikbaidyń ólimine qatysty is boiynsha sot aldynda jaýap berip jatyr. Oǵan qyzdy erkine qarsy alyp ketken, ańdyǵan, 35 ret pyshaq jaraqatyn salǵan, óltirip, oqiǵa ornynan qashyp ketken degen aiyp taǵylǵan, dep habarlaidy ult.kz.
Sotta Sherhan Aimahan tergeý izoliatorynda, sondai-aq Almaty oblysynyń Aqtas kentindegi qarqyndy baqylaýy bar mamandandyrylǵan úlgidegi respýblikalyq psihiatriialyq aýrýhanada qysym kórgenin málimdedi.
Onyń aitýynsha, aýrýhana qyzmetkerleri oǵan qoqan-loqy kórsetken.
«Bul jerden tek ólip shyǵasyń», – dep aitqanyn sottalýshy jetkizdi.
Al tergeý izoliatorynda azamattyq kiim kigen belgisiz adamdar odan ózi, aitýynsha, esinde joq oqiǵa týraly aityp berýdi talap etken.
Aita keteiik, aiyptalýshy ózine taǵylǵan aiypty moiyndamaidy. Ol qylmysty affekt jaǵdaiynda jasaǵanyn alǵa tartady. Alaida sarapshylar Nurai Serikbaiǵa pyshaqpen soqqy jasaǵan kezde onyń óz áreketiniń qaýiptiligin túsingenin jáne affekt jaǵdaiynda bolmaǵanyn anyqtaǵan.
