© Sputnik / Vladislav Vodnev
Energetika ministri Almasadam Sátqaliev Astanaǵa muńyn shaǵyp kelgen jańaózendik jumysshylarmen jeke kezdesip, sóilesýge ázirge qajettilik joq dep sanaidy. Bul týraly Sputnik Qazaqstan saity habarlady.
"Kelissózderdiń kezeńi bolady. Biz olardyń túpkilikti pozitsiiasyn, problemanyń mánin túsingimiz keledi. Bul problema qandai deńgeide sheshiletinin túsinýimiz qajet. Eger sheshim qabyldaý ministr deńgeiinde bolsa, tiisti dialog qamtamasyz etiledi", - dedi Sátqaliev Úkimet otyrysynan keiin jýrnalister suraǵyna jaýap berip.
Osy oraida jýrnalister "qazir adamdardyń aldyna shyǵýǵa qajettilik kórip otyrǵan joqsyz ba?" dep surady.
"Men dialogty jalǵastyrý, quzyrly adamdardyń qyzmetkerlermen tikelei kelissóz júrgizý qajettigin kórip otyrmyn. Eger meniń shyǵýym kerek bolsa, árine, men shyǵamyn", - dedi ol.
Onyń aitýynsha, dál qazir jumysshylardyń naqty talaptary joq.
"Keshe Ózenmunaigazǵa jumysqa turǵyzyńdar dedi, búgin konkýrsty alyp tastańdar deidi. Erteń ne aitatyny belgisiz. Sol sebepti kúteiik. Sizder eger men olardyń aldyna shyqsam, problema sheshiledi dep sanasańyzdar, olar olai oilamaýy múmkin. Sondyqtan jalpy pozitsiiaǵa, logikaǵa súienip, alańdaǵy adamdarǵa qurmet kórsetip, olardy qanaǵattandyratyn durys sheshimder usynaiyq. Protsess durys uiymdastyrylýy kerek", - dedi ministr.
Eske salsaq, Astanaǵa Jańaózennen "BerAli Mańǵystaý Company" qyzmetkerleri keldi. Júzden asa munaishy keshe energetika ministrliginiń aldyna túnep shyqty. Olar jumys talap etip otyr. Aitýlarynsha, kompaniia tenderden utylyp, olar jumyssyz qalǵan.
video: Sputnik Qazaqstan
