Qazaqstan Prezidenti Qasym-Jomart Toqaev jumysshylaryn ereýilge ádeii itermeleitin kompaniialarǵa tekseris júrgizýdi tapsyrdy. Bul týraly memleket basshysy Mańǵystaý oblysyna jumys sapary barysynda aitty, dep habarlaidy Sputnik Qazaqstan.
Toqaev eńbek daýlarynyń edáýir bóligi QazMunaiGazdyń enshiles kompaniialarynan shyǵyp jatqanyn atap ótti. Olardyń tarapynan tiisti jumys atqarylǵanymen, bul jetkiliksiz.
Prezident Samuryq-Qazyna men QazMunaiGaz kompaniialaryna bul máselemen myqtap ainalysýdy tapsyrdy.
"Keibir jeke kompaniia basshylary jumysshylaryn ereýilge ádeii itermeleidi. Bul kompaniialardyń tizimi mende bar. Maqsaty – halyqty qalqan etken bolyp, memleketten aqsha alý. Biz muny bilemiz. Olar bólingen aqshany jumysshylarǵa bermei, óz qaltasyna basady. Mundai qiturqy árekettiń jolyn kesý kerek. Osyndai kompaniialarǵa aýditorlyq jáne taǵy basqa tekserý júrgizý kerek", - dedi Toqaev Mańǵystaý oblysyn áleýmettik-ekonomikalyq damytý týraly jiynda.
Sonymen qatar prezident Jańaózende turaqty jumys isteitin vedomstvoaralyq shtab qurý qajet ekenin aitty.
Oǵan memlekettik organdar men Samuryq-Qazyna belsene qatysýy kerek. Bul shtab shuǵyl sheshim qabyldaýǵa jáne halyqpen tyǵyz qatynas ornatýǵa qajet, dep tolyqtyrdy Toqaev.
