Shyǵys Qazaqstan oblysyndaǵy Buqtyrma sý qoimasy jaǵalaýynda bolǵan órttiń shyǵý sebebine qatysty boljam aityldy, dep habarlaidy "Ult aqparat".
ShQO TJD baspasóz qyzmetiniń málimetine súiensek, tilsiz jaý 18 mamyr kúni saǵat 21.21-de Jańa Buqtyrma aýylyndaǵy «Iary» demalys bazasynda shyqqan. Oqiǵa ornyna jedel jetken órt sóndirýshiler 350 sharty metr aýmaqtaǵy 4 úi men monshany sharpyǵan qyzyl jalyndy aýyzdyqtaýǵa kiristi. Budan bólek, órt jalpy aýmaǵy 250 sharshy metr shóp pen tal-butaǵa jaiylǵan.
Órt sol kúni 22.27-de tolyqtai sóndirildi. Zardap shekken eshkim joq.
«Tilsiz jaýdy aýyzdyqtaýǵa jalpy sany 30 adamdy quraityn №20 órt sóndirý bóliminiń órt sóndirýshileri, jedel qutqarý jasaǵynyń qutqarýshylary, ormanshylar jáne politseiler jumyldyryldy. Aldyn ala boljam boiynsha, órttiń shyǵý sebebi – otty abaisyz paidalanýdan nemese elektr jabdyqtaryn ornatý jáne paidalaný kezinde órt qaýipsizdigi erejelerin buzýdan bolýy múmkin», - dep habarlady vedomstvo ókilderi.
