Shyǵys Qazaqstan oblysynyń Kúrshim aýdanynda Buqtyrma sý qoimasynda muz oiylyp, eki kólik sýǵa batty, dep habarlaidy "Ult aqparat".
Oblystyq Tótenshe jaǵdailar departamenti baspasóz qyzmetiniń málimetinshe, 14 aqpanda «Isuzu» markaly júk kóliginiń júrgizýshisi «Qyzyl tý» ótkelindegi shekteýge qaramastan Buqtyrma sý qoimasynda muz ústimen júrgen. Sonyń saldarynan muz jarylyp, kólik sýǵa batyp ketken. 15 aqpan kúni bolǵan ekinshi oqiǵada «ÝAZ» markaly avtokólik muz astynda qalǵan. Abyroi bolǵanda, eki jaǵdaida da zardap shekken eshkim joq.
«Kólik ishinde bolǵandar syrtqa shyǵyp úlgerip, qutqarýshylarǵa habarlasqan. Alaida bizdiń mamandar adam ómirine qaýip tóngen sátte ǵana kómek kórsetedi», - dep habarlady vedomstvo ókilderi.
Esterińizge sala ketsek, osyǵan deiin Kúrshim aýdanyndaǵy Qyzyl tý ótkeline 1 300 metrlik kópir salynatyndyǵyn habarlaǵan bolatynbyz.
