Qasym-Jomart Toqaev koronavirýs indetin anyqtaýǵa arnalǵan jańa mobildi skrining ortalyǵynyń qyzmetimen tanysty. Bul ortalyq Ońtústik Koreianyń tehnologiiasy boiynsha jumys isteidi, dep habarlaidy Aqorda.
Almaty qalasynyń ákimi Baqytjan Saǵyntaev Memleket basshysyna qaladaǵy epidemiologiialyq ahýal jaiynda esep berdi.
Koreialyq «Medical Partners Korea» meditsina kompaniiasynyń basshylary Kim Daiong pen Min Hisýk Qazaqstan Prezidentine mobildi laboratoriianyń múmkindigi men «Drive-through» júiesi boiynsha synama alýdaǵy tájiribeleri týraly aitty.
Qasym-Jomart Toqaev dárigerlermen áńgimelesip, olarǵa qajyrly eńbekteri úshin rizashylyǵyn bildirdi.
– Pandemiia – shyn mánindegi soǵys. Búkil álem pandemiiaǵa qarsy soǵys jariialady. Frantsýzdarda soǵystyń aty soǵys degen sóz bar. Biz judyryqtai jumylsaq, pandemiiany jeńe alamyz, – dedi Prezident.
Sonymen qatar Memleket basshysy Ortalyqtyń qyzmetkerlerin 12 mamyrda atap ótiletin Halyqaralyq medbikeler kúnimen quttyqtady.
