Qazaqstannyń eltańbasynda memlekettiń aty latyn áripterimen jazyldy. Budan bylai memlekettik rámizde "Qazaqstan" jazýy latyn grafikasymen QAZAQSTAN dep beriledi, dep habarlaidy "Ult aqparat".
"Qazaqstan Respýblikasynyń memlekettik rámizderi týraly" zańyna engizilgen ózgertýler 1 qarashadan bastap kúshine endi. Bul týraly buryn investitsiia jáne damý ministrliginiń komiteti habarlaǵan edi.
Táýelsiz Qazaqstannyń eltańbasy 1992 jyly qabyldandy, onda kók aspandaǵy shańyraq pen qos pyraq beinelengen. Avtorlary – belgili arhitektorlar Jandarbek Málibekov pen Shot-Aman Ýálihanov.
Nursultan Nazarbaevtyń 2025 jylǵa deiin qazaq tilin latyn álipbiine kóshirý tapsyrmasyna bailanysty eltańbaǵa ózgeris engizildi.
Aita ketsek, latyn álipbiinde qazaq tiliniń tól dybystary úshin diakrittik tańbalar paida bolady. Bilim ministrligi balabaqshalar, mektepter, kolledjder men JOO-larda latyn álipbiine kóshý kestesin bekitken.
