Búgingi jetistikterimizdiń bári - Táýelsizdiktiń jemisi. Bul týraly QR Parlamenti Senatynyń Tóraǵasy Máýlen Áshimbaev aitty, dep habarlaidy QazAqparat.
«Búgingi forým Qazaqstan Táýelsizdiginiń 30 jyldyǵyna arnalyp otyr. Táýelsizdik bizdiń eń basty qundylyǵymyz, ata-babamyzdyń san ǵasyr ańsaǵan asyl armany. Búgingi jetistikterimizdiń bári osy Táýelsizdiktiń jemisi. Egemendiktiń arqasynda tilimiz ben dilimizdi, tarihymyz ben dástúrimizdi, mádenietimiz ben rýhaniiatymyzdy jańǵyrttyq. 30 jyldyń ishinde júieli áleýmettik-ekonomikalyq jáne saiasi reformalardy júzege asyryp, memlekettilikti myzǵymastai etip qalyptastyryq. Búginde dúniejúzi Qazaqstandy turaqty, álemdik arenada abyroi-bedelge ie, dostyqqa berik el retinde tanidy», - dedi Senat spikeri Qazaqstan áleýmettanýshylarynyń VII kongresinde.
Onyń atap ótýinshe, munyń bári QR Tuńǵysh Prezidenti – Elbasy Nursultan Nazarbaevtyń strategiialyq saiasatynyń nátijesi ekeni sózsiz. Osy saiasattyń sabaqtastyǵyn qamtamasyz etip, elimizdi jańa belesterge shyǵarý úshin QR Prezidenti Qasym-Jomart Toqaevtyń basshylyǵymen júieli jumystar júzege asyryp jatyr.
«Bizdiń aldaǵy maqsat-múddemiz aiqyn. Basty mindet - eldigimizdi eńseletý jáne Táýelsizdigimizdi odan ary nyǵaitý. Osy jolda búgingidei basqosýlardyń da mańyzy zor. Búgin aitylǵan pikirler men usynystar eldikmúddege igi áserin tigizedi dep senemin», - dedi Máýlen Áshimbaev.
