Búgin Almaty bilim basqarmasy basshysynyń orynbasary Qairat Jumanov suranysqa ie mamandyqtar boiynsha tegin tehnikalyq jáne kásiptik bilim berýmen 100% qamtýǵa memlekettik tapsyrysty ulǵaitý jumystary týraly aitty. Onyń aitýynsha, Almaty qalasy boiynsha tegin tehnikalyq jáne kásiptik bilim berýmen qamtý 49,5% quraidy, – dep habarlaidy «Ult aqparat».
Bilim basqarmasy basshysynyń orynbasary Almatyda 2021-2022 oqý jylynda tehnikalyq jáne kásiptik bilim berý júiesinde 83 kolledj baryn, onyń 23-i memlekettik, 60-y jekemenshik, kontingenti 73 719 stýdentti quraitynyn, onyń ishinde 36,5 myń adam memlekettik tapsyrysta ekenin aitty.
«Búgingi tańda qaladaǵy tegin tehnikalyq jáne kásiptik bilim berýmen qamtý jalpy kontingenttiń 49,5 paiyzyn quraidy. 2025 jylǵa qarai memlekettik tapsyrysty 21 myń orynǵa deiin arttyrý josparlanyp otyr, bul 2021 jylmen salystyrǵanda (11,4 myń oryn) 10 myń orynǵa artyq. Birinshi kezekte 2025-jylǵa qarai 9-synyp túlekterin tegin tehnikalyq jáne kásiptik bilimmen 100%-ǵa deiin qamtý josparlanýda (2022 j. – 69,3%, 2023 j. – 78,1%, 2024 j. – 87,8%, 2025 j. – 100%). Osylaisha, 2025 jyly qala kolledjderinde bilim alǵysy keletin 9-synyptyń barlyq túlekteri suranysqa ie mamandyqtar boiynsha tegin oqityn bolady», - dedi Almaty bilim basqarmasy basshysynyń orynbasary Qairat Jumanov.
Onyń aitýynsha, búginde qoǵamda suranysqa ie mamandyqtar – tehnikalyq mamandyqtar.
Qairat Jumanov biylǵy jyly memlekettik tapsyrys boiynsha oqityn stýdentterdiń úlesi úsh myń adamǵa artyp, memlekettik tapsyrystyń jalpy kólemi 14,5 myń oryndy quraitynyn tilge tiek etti. 2019 jyldyń qańtarynda jan basyna shaqqandaǵy qarjylandyrý 20 memlekettik kolledjde, al aǵymdaǵy jyldyń qańtar aiynan bastap memlekettik tapsyrys boiynsha jumys isteitin 29 jekemenshik kolledjde jan basyna shaqqandaǵy qarjylandyrý engizildi.
«Memleket basshysynyń tehnikalyq mamandyqtarǵa memlekettik tapsyrystardy qaita baǵdarlaý týraly tapsyrmasyna sáikes, biylǵy jyly atalǵan mamandyqtarǵa memlekettik tapsyrys kólemi memlekettik tapsyrystyń 60 paiyzyn quraityn bolady», - dep qosty ol.
Baiandamashy qazirgi tańda bilim basqarmasy Almaty qalasynyń erekshelikterin eskere otyryp qalyptasatyn jańa kásipter men quzyretterdiń óńirlik atlasyn ázirleý boiynsha belsendi jumys júrgizip jatqanyn qosty. Ázirleý nátijeleri boiynsha oblys boiynsha, onyń ishinde tehnikalyq jáne kásiptik, orta bilimnen keiingi bilim jikteýishine enetin bolashaq kásipter boiynsha naqty usynystar da beriledi. Búgingi tańda Almaty qalasy ákimdiginiń janyndaǵy memlekettik bilim berý tapsyrysyn bólý, qalyptastyrý jáne ornalastyrý jónindegi komissiia qalanyń eńbek naryǵynda suranysqa ie mamandyqtardyń tizbesi men sanyn qalyptastyrýmen ainalysýda. 30 sáýirden bastap bilim basqarmasynyń saitynda memlekettik tapsyrys beriletin mamandyqtar týraly aqparat ornalastyrylady. Buǵan deiin Qazaqstanda 2025 jylǵa qarai suranysqa ie mamandyqtar boiynsha kolledjderde bilim berý 100% tegin bolatyny habarlanǵan edi.
Esterińizge sala keteiik, búgin Almaty bilim basqarmasy basshysynyń orynbasary Qairat Jumanov suranysqa ie mamandyqtar boiynsha tegin tehnikalyq jáne kásiptik bilim berýmen 100% qamtýǵa memlekettik tapsyrysty ulǵaitý jumystary týraly aitty. Onyń aitýynsha, Almaty qalasy boiynsha tegin tehnikalyq jáne kásiptik bilim berýmen qamtý 49,5% quraidy. Bilim basqarmasy basshysynyń orynbasary Almatyda 2021-2022 oqý jylynda tehnikalyq jáne kásiptik bilim berý júiesinde 83 kolledj baryn, onyń 23-i memlekettik, 60-y jekemenshik, kontingenti 73 719 stýdentti quraitynyn, onyń ishinde 36,5 myń adam memlekettik tapsyrysta ekenin naqtylady.
