Búgin Joǵary eýraziialyq ekonomikalyq keńes Birlesken málimdeme jasaidy, dep habarlaidy "Ult aqparat" Aqordanyń Twitter-degi paraqshasyna silteme jasap.
Jiynda sóz sóilegen Memleket basshysy Qasym-Jomart Toqaev Joǵary eýraziialyq ekonomikalyq odaqtyń uzaq merzimdi ornyqtylyǵy saýda protsesteriniń turaqtylyǵyna tikelei bailanysty ekendigin atyp ótti.
«Qazirgi ýaqytta saýda - «tórt erkindiktiń« eń basty baǵyty. Eýraziialyq damý banki birlesken jobamyz bar. Bul bank daǵdarystan keiingi kezeńdegi birlesken jobalarymyzdy qarjylandyrýdyń tiimdi quraly bolýǵa tiis. Búginde Qazaqstan koronavirýsty anyqtaityn test júiesin ázirlep, vaktsina daiyndaýǵa kirisip ketti. Osyndai jumys Odaqtyń basqa da elderinde júrgizilýde. Bul salada Reseidiń de jetistigi mol.
Biz aqparat almasý, indetti anyqtaýdyń innovatsiialyq tásilderin jáne ony emdeýdiń joldaryn ázirleý, elderimiz arasyndaǵy ǵylymi yntymaqtastyqty kúsheitý máseleleri boiynsha ózara is-qimyldardy jandandyra túsýimiz kerek.
Memleketterimizde karantin rejiminiń engizilýine bailanysty tsifrlyq taýarlar men qyzmetterge suranys artqanyn kórip otyrmyz. Sonymen qatar tsifrlyq infraqurylymnyń sapasy men senimdiliginiń asa mańyzdy ekenine kóz jetkizdik»,-dedi QR Prezidenti.
Sonymen qatar Memleket basshysy komissiiaǵa múshe-memleketter úkimetterimen birlesip atalǵan baǵytta yntymaqtasa jumys júrgizý úshin naqty usynystar jobasyn daiyndaýdy usyndy.
