Búgin Ujymdyq qaýipsizdik týraly shart uiymy (UQShU) Qazaqstannan bitimgerlerdi shyǵarýdy bastaidy, dep habarlady QazAqparat Almaty tragediiasy Telegram kanalyna silteme jasap.
«Uiymnyń Bas hatshysy Stanislav Zas 10 kún ishinde uiym kontingenti Qazaqstannan túgeldei ketetinin málim etti. Bitimgerlerdiń jalpy sany - 2500 adam», - delingen habarlamada.
Aita keteiik, Memleket basshysy Qasym-Jomart Toqaev 11 qańtar kúni Parlament palatalarynyń birlesken otyrysynda Ujymdyq qaýipsizdik týraly shart uiymynyń jumysyna erekshe toqtalyp ótken bolatyn.
«Bul uiym ujymdyq qaýipsizdik máselelerimen ainalysady. Qazaqstan – onyń tolyqqandy quryltaishysynyń biri. Osy uiymnyń barlyq múshelerinen jasaqtalǵan bitimgershilik kontingenti Qazaqstanǵa ýaqytsha merzimge ǵana keldi. Oǵan júktelgen mindetter naqty aiqyndalǵan. Bul – strategiialyq nysandardy kúzetý jáne aqyl-keńes berip, qoldaý kórsetý. Lańkesterge qarsy operatsiiany tolyǵymen Qazaqstannyń kúshtik qurylymdary júzege asyrýda. Shyn máninde, solardyń jankeshti is-áreketiniń arqasynda tóńkeriske jol berilgen joq», - dedi Prezident.
