بٷگٸن ۇجىمدىق قاۋٸپسٸزدٸك تۋرالى شارت ۇيىمى (ۇقشۇ) قازاقستاننان بٸتٸمگەرلەردٸ شىعارۋدى باستايدى, دەپ حابارلادى قازاقپارات الماتى تراگەديياسى Telegram كانالىنا سٸلتەمە جاساپ.
«ۇيىمنىڭ باس حاتشىسى ستانيسلاۆ زاس 10 كٷن ٸشٸندە ۇيىم كونتينگەنتٸ قازاقستاننان تٷگەلدەي كەتەتٸنٸن مەلٸم ەتتٸ. بٸتٸمگەرلەردٸڭ جالپى سانى - 2500 ادام», - دەلٸنگەن حابارلامادا.
ايتا كەتەيٸك, مەملەكەت باسشىسى قاسىم-جومارت توقاەۆ 11 قاڭتار كٷنٸ پارلامەنت پالاتالارىنىڭ بٸرلەسكەن وتىرىسىندا ۇجىمدىق قاۋٸپسٸزدٸك تۋرالى شارت ۇيىمىنىڭ جۇمىسىنا ەرەكشە توقتالىپ ٶتكەن بولاتىن.
«بۇل ۇيىم ۇجىمدىق قاۋٸپسٸزدٸك مەسەلەلەرٸمەن اينالىسادى. قازاقستان – ونىڭ تولىققاندى قۇرىلتايشىسىنىڭ بٸرٸ. وسى ۇيىمنىڭ بارلىق مٷشەلەرٸنەن جاساقتالعان بٸتٸمگەرشٸلٸك كونتينگەنتٸ قازاقستانعا ۋاقىتشا مەرزٸمگە عانا كەلدٸ. وعان جٷكتەلگەن مٸندەتتەر ناقتى ايقىندالعان. بۇل – ستراتەگييالىق نىسانداردى كٷزەتۋ جەنە اقىل-كەڭەس بەرٸپ, قولداۋ كٶرسەتۋ. لاڭكەستەرگە قارسى وپەراتسييانى تولىعىمەن قازاقستاننىڭ كٷشتٸك قۇرىلىمدارى جٷزەگە اسىرۋدا. شىن مەنٸندە, سولاردىڭ جانكەشتٸ ٸس-ەرەكەتٸنٸڭ ارقاسىندا تٶڭكەرٸسكە جول بەرٸلگەن جوق», - دەدٸ پرەزيدەنت.
