«Qazgidromet» RMK-sy naýryzdyń 25-i kúngi kún raiy boljamyn jariialady.
Kásiporyn taratqan derekterge qaraǵanda, búgin Qazaqstan aýmaǵynan burynǵysha atmosfera frontaldy bólikterdiń ótýine bailanysty kún qubylmaly bolady. Eldiń basym bóliginde jańbyr men qar jaýady, kóktaiǵaq bolyp, soltústikte jaiaý burqasyn soǵady. Elimizdiń batysynda, ońtústik-shyǵysynda kún negizinen ashyq bolady. Elimiz boiynsha tuman túsip, jel kúsheiedi, jyldamdyǵy skýndyna 15-20 metrge deiin kúsheiýi múmkin.
Sondai-aq, "Qazgidromettiń" boljamy boiynsha 25 naýryzda Astana, Almaty, Aqtóbe jáne Qaraǵandyda aýa lastanyp, qolaisyz meteorologiialyq jaǵdai týyndaidy.
Sinoptikter dúisenbide bul qalalarda aýa sapasy nasharlaýy múmkin dep boljaidy. Mamandar qolaisyz meteojaǵdailarda turǵyndarǵa mynalardy usynady:
- dalada, ásirese avtomobil joldarynyń nemese basqa lastaný kózderiniń janynda júrmeýge tyrysý;
- balalar men júkti áielder uzaq serýendeýden bas tartýy kerek;
- ókpeniń sozylmaly aýrýlarymen, júrek-qan tamyrlary, allergiialyq aýrýlarmen aýyratyn adamdar ashyq aýada bolǵan kezde ózderimen birge dári-dármekterdi alyp júrýi kerek;
- dalada fizikalyq aýyrtpalyq salmaý.
Sondyqtan dene shynyqtyrý ne sportpen jabyq sport keshenderinde shuǵyldanǵan jón bolady.
