Búgin, 18 tamyzda OLIMPBET-fýtboldan Qazaqstan chempionaty qaita jalǵasady, dep habarlaidy "Ult aqparat" Olympic.kz Qazaqstan fýtbol federatsiiasynyń baspasóz qyzmetine silteme jasap.
Memlekettik organdardyń talabymen oiyndardyń barlyǵy arnaiy meditsinalyq hattamanyń erejelerine sáikes qatań baqylaýda ótedi. Atalǵan qujat jarystardy qabyldaityn sport ǵimarattarynda sanitariialyq-epidemiologiialyq rejimdi qatań saqtaý úshin júrgiziletin jol kartasy bolmaq. Qazirgi ýaqytta oiyndardyń barlyǵy «Almaty/Talǵar» lokatsiiasynda jankúierlersiz ótedi. Stadiondarda jumys isteitin qyzmetkerlerdiń sany da shekteýli bolmaq. El chempionatyna qatysatyn ár klýb ózgelermen jaqyn qarym-qatynas ornatpaýy, karantin rejiminde qonaqúige ornalasýy tiis. Oiynshylar men bapkerler, sonymen qatar, jarysty uiymdastyrýǵa qatysatyn basqa da adamdar koronavirýs indetin anyqtaityn synaqty únemi tapsyryp otyrady. Sanitariialyq-epidemiologiialyq talaptardyń qatań saqtalýyn Qazaqstan Respýblikasynyń Densaýlyq saqtaý ministrliginiń ókilderi qadaǵalaidy.
Oiyndardyń bastalý ýaqyty
18.08.2020 «Kaspii» (Aqtaý) – «Qairat» (Almaty) 17:00
Tóreshiler: Denis Teviashov (Oral), Denis Labashov (Atyraý), Iýrii Tihoniýk (Aqtóbe)
Rezerv tóreshi: Baǵdat Abdollaev (Qarataý)
Inspektor: Sergei Tsaregradskii (Almaty)
18.08.2020 «Jetisý» (Taldyqorǵan) – «Ordabasy» (Shymkent) 19:00
Tóreshiler: Artiom Kýchin (Qaraǵandy), Serik Jappasbaev, Ǵalymjan Aijigitov (ekeýi de - Qyzylorda)
Rezerv tóreshi: Daniiar Sahi (Qyzylorda) Inspektor: Nurjan Doskeev (Almaty)
18.08.2020 «Taraz» (Taraz) – «Qyzyl-Jar» (Petropavl) 21:00 Tóreshiler: Rústem Omarov, Sergei Vasiýtin, Samat Tergeýsizov (barlyǵy - Almaty)
Rezerv tóreshi: Timýr Kýmashev (Nur-Sultan) Inspektor: Aleksandr Peremitin (Almaty)
19.08.2020 «Shahtior» (Qaraǵandy) – «Qaisar» (Qyzylorda) 18:00 Tóreshiler: Denis Izmailov (Taldyqorǵan), Evgenii Belskii (Taraz), Ivan Navrotskii (Nur-Sultan)
Rezerv tóreshi: Aidyn Rahymbaev (Almaty) Inspektor: Vitalii Kagan (Almaty)
IV týrdaǵy «Tobyl» (Qostanai) – «Astana» (Nur-Sultan) matchy elordalyq klýbtyń ÝEFA Chempiondar ligasyna qatysýyna bailanysty 25.08.2020 aýystyrylǵan. Oiyndardyń barlyǵy, sonymen qatar, 18 tamyzdan 19 tamyzǵa qaraǵan túni ÝEFA Chempiondar Ligasyndaǵy «Dinamo» (Brest, Belarýs) – «Astana» (Nur-Sultan, Qazaqstan) matchy «Qazsport» telearnasynda tikelei efirde kórsetiledi.
