Cinoptikterdiń boljaýynsha, búgin Qazaqstannyń basym bóliginde atmosferalyq fronttardyń ótýine bailanysty aýa-raiy qubylmaly, jaýyn-shashyndy (jańbyr, qar) bolady, tek batysynda kún ashyq. Respýblikanyń kei jerlerinde tuman túsip, kóktaiǵaq bolady, burqasyndatyp, jel kúsheiedi. Ońtústik óńirdiń kei mekenderinde naizaǵai oinaidy, dep habarlaidy "Qazgidromet".
Shyǵys Qazaqstan oblysynda 15-20 m/s jyldamdyqpen jel soǵady, kei jerlerde ekpini 30 m/s asady, tuman túsip, kóktaiǵaq, burqasyn bolady.
Aqmola oblysynyń kei jerlerinde tuman túsip, burqasyndatady, kúndiz kóktaiǵaq bolyp, 15-20 m/s jyldamdyqpen jel soǵady, ekpini 25 m/s kúsheiedi.
Pavlodar oblysynyń kei jerlerinde tuman túsip, kóktaiǵaq bolyp, burqasyndatady, jel – 15-20, ekpini 23-28 m/s kúsheiýi múmkin.
Soltústik Qazaqstan oblysynyń túnde kei jerlerinde, kúndiz basym bóliginde 15-20 m/s jyldamdyqpen jel soǵady, ekpini kei jerlerde 23-28m/s kúsheiedi.Qostanai, Qaraǵandy oblystarynyń kei jerlerinde tuman túsip, kóktaiǵaq, jaiaý burqasyn bolady, jel kúsheiedi – 15-20 m/s.
Jambyl, Ońtústik Qazaqstan oblystarynyń kei jerlerinde jel kúsheiedi – 15-20, ekpini 23-28 m/s jetedi, tańerteń jáne kúndiz naizaǵai oinaidy.
Qyzylorda oblysynyń kei jerlerinde naizaǵai oinap, daýyl turady, jel kúsheiedi – 15-20 m/s.
Almaty oblysynyń kei jerlerinde jel kúsheiedi – 15-20 m/s, kúndiz ekpini 23-28 m/s jetedi.
Mańǵystaý oblysynyń kei jerlerinde tuman túsip, túnde jel 15-20 m/s kúsheiedi.
Atyraý, Batys Qazaqstan, Aqtóbe oblystarynyń kei jerlerinde tuman túsedi.
