Foto: Gov.kz
Búgin elimizdiń barlyq óńirlerinde jalpyulttyq senbilik ótti, onda túrli tazalyq sharalary uiymdastyryldy, dep habarlaidy Ult.kz.
Elorda turǵyndary bul ekoaktsiiaǵa erekshe belsendilikpen qatysyp, qorshaǵan ortany kúl-qoqystan tazartýǵa jáne qalany kórkeitýge jumyla kiristi. Is-sharaǵa barlyǵy 100 myńǵa jýyq adam qatysty.
Aýmaqtardy tazalaýǵa búkil el boiynsha memlekettik qyzmetkerler, qala turǵyndary, kásipkerler men eriktiler shyqty. Kúsh biriktirý nátijesinde shamamen 16 myń tonna qoqys jinaldy.
Sondai-aq búgin Búkilqazaqstandyq orman otyrǵyzý kúni eko-marafonnyń aiaqtalýy boldy. Esterińizge sala keteiik, taqyryptyq apta 21 sáýirde "Taza Qazaqstan" bastamasyn iske asyrýdyń birinshi jylynyń qorytyndylaryna arnalǵan ekofestivalden bastaldy.
Biylǵy jyly kógaldandyrý "Erlikke taǵzym" taqyrybynda ótip, Uly Otan soǵysyndaǵy Jeńistiń 80 jyldyǵyna orailastyryldy. Is-sharaǵa ministrliktiń 120-dan astam qyzmetkeri qatysty. Olar “Jasyl aimaq” kásipornynyń Qyzyljar ormanshylyǵynyń aýmaǵynda 2000-ǵa jýyq qarapaiym qaraǵai kóshetterin otyrǵyzdy.
Aita keteiik, estafetany elimizdiń basqa óńirleri de qabyldady. Apta boiy "Taza Qazaqstan" aiasynda qalalar men aýyldarda 200-ge jýyq túrli ekologiialyq is-sharalar ótti. Sonyń ishinde "Taza aimaq", "Taza sý aidyndary", "Kieli meken", "Móldir bulaq" syndy aýmaqtaryn jinaý jáne kóshet otyrǵyzý boiynsha "Túlekterdiń aǵash egýi", "Bolashaqty birge otyrǵyzamyz" jáne t. b. aktsiialary.
