Búgin elordada Dimash Qudaibergenniń jeke kontsertiniń ótýine bailanysty saǵat 19:00-den 00:00-ge deiin Qabanbai batyr dańǵylynyń boiynda Kerei - Jánibek handar kóshesinen Uly Dala dańǵylyna deiingi aralyqta kólik qozǵalysy shekteledi, dep habarlaidy QazAqparat.
Nur-Sultan qalalyq Politsiia departamentinen málim etkendei, jol qozǵalysy qaýipsizdigin qamtamasyz etý kezinde qoǵamdyq kólikterge basymdyq beriledi.
Osyǵan bailanysty Politsiia departamenti júrgizýshilerge jeke kólikterinen bas tartyp, qoǵamdyq kóliktermen júrýge keńes beredi. Nur-Sultan halyqaralyq áýejaiy aýmaǵyna jáne jaqyn ornalasqan eldi mekenderge saparlaityn turǵyndarǵa aldyn ala basqa qosymsha baǵytty tańdaýdy usynady. Sondai-aq, kórermender jeke kólikterin jaqyn ornalasqan «Barys - Arena» SK, «Alaý» SK, «Saryarqa Velotregi» SK aýmaǵyndaǵy kólik turaqtaryna qoiýlaryna bolady.
Budan bólek, kórermender úshin 19:00-22:00 aralyǵynda kontsert ótetin «Astana Arena» stadionyna № 10; 12; 28; 37; 40; 51; 53; 60 qalalyq jáne qala mańyna qatynaityn arnaiy reistik avtobýstar júredi.
Kontsertten shyqqan kórermender úilerine qaitý úshin Qabanbai batyr dańǵyly jaǵynan avtobýstarǵa otyra alady.
Osyǵan bailanysty, Nur-Sultan qalalyq politsiia departamenti elorda turǵyndary men qonaqtaryna óz baǵyttaryn aldyn ala josparlaýǵa keńes beredi.
